Prins Rob I 
en
adjudant Wil 

Proklemasie Prins Rob I

Wae, Rob d`n 1ste, bie de grasie van de Oppersjiëper en de guns
van Ere-Prezident Mart, Prezident Aloys, Vorst Marc en
de wieze Raod van 11, de 55 Prins van de Häörder Sjaopsköp,
proklamere det:

1.         Ich in Remunj bön gebaore, maar oppe
Sjteeg ènne echte Sjaopskop bön gewaore.

2.         Ich same mit mien maedjes, miene jong
en oos paerd aan de Haelerweg aod haop te waere.

3.         Die paerd mich noe ´n tiedje zólle
mótte misse, mer det waarsjienlik gaar neet erg zóll vinje.

4.         Aan de Häörder
Vastelaovesker gein paerd  hoofdj te trèkke.
Det  waerdj namelik al 5 x 11 jaor door Sjaopsköp gedaon.

5.         Ich es bankwirker door de waek ein maotpak
draag, maar `t prinsepak mich pas echt wie gegaote zitj.

6.         Ich bliej bön det eine echte Häörder jóng,
dae ich al miër den 3 x 11 jaor kin mich dees daag es adjudant
óngesjteuntj.

7.         Wae  gruëts zeên det wae uch dit jubileumjaor van
de Sjaopsköp väör moge gaon.

8.         Det de wieze raod van 11, oos maedjes,
de joekskepel en gae allemaol ‘t daoróm in dit biezunjer
vastelaovesjaor nog drökker zólle höbbe den alle anger jaore.

9.         Det wae, same mit de Lemkes, oos
oêterste bèst zólle doon óm eederein dae in Häör Vastelaovendj
wiltj viere, det auch te kinne laote doon.

10.      Det eine van Knoups mit de Vastelaovendj noeats de knuip
aaf zal höbbe.

11.      Ich noe al óngeluifelik geneet van mien Prinssjap en
det vandaag daoróm de iërste daag is van  de 6 sjoeanste waeke
van mien laeve.

Opgemaaktj in Häör op 7  jannewari 2012 ónger miene Prinselikke
liefsjpreuk:

"Van 't prinsoetroope toet 't kruutske van as,
Is eure vastelaovesdruim mien kompas"