Vastelaoves sjlinger

In ’t Vastelaovessezoên 2005 is väör ’t iërst de Vastelaovessjlinger in ’t laeve gerope. ’t Is de aanloup nao ’t einde vanne Vastelaovendj oppe Vastelaovesdinsdig. Naodet de Jeugdprins is aafgetraoje en de Waever oppe Sjaopswei gedansjd is, vertrèkke alle vereniginge, joekskepèlle en ederein dae gaer mit geit in eine bóntje sjtoet, woa-mit ’t aaftèlle is begós.

Vanaaf de kafee Aan de Kirk, nao kafee Oad Häör, vervolges nao kafee De Graof, òm oeteindelik inne Sjaopesjtal (De Postkoets) de Prins òm 24.00 oër ziene macht aaf te numme en daomit ’t Vastelaovessezoên väör det jaor aaf te sjloête.