default-logo

Prins Ralf 1e
en
adjudant Sietse


Proklemasie Prins Ralf 1e
Wae, Ralf de 1e, bie de grasie van de Oppersjiëper en de guns van Ere-Prezident Mart, Vorst Marc en de wieze Raod van 11, de 63 ste prins van de Häörder Sjaopsköp, proklamere dèt:

  • Es ich sjmörges vanoet ‘t Haeles Brook oet de raam kiek, ich het sjoeanste oetzich höb, op ‘t Sjaopskoppe riek.
  • Ich flink mit de septor zweije gaon, en daorom miene biljartkeu aeve in de hook laot staon.
  • Ich bliej bön mit miene Adjudant Sietse, aug al is d’r klein van sjtök, es “väörzitter” is der good gelökt.
  • Ich es Prins, same mit adjudant Sietse, alles zal gaeve, zoea det jonk en aod eine sjoeane vastelaovendj zulle belaeve.
  • Ich de vastelaovendj noe even op 1 höb staon, mer aug op het voetbalveldj zal ich d’r väör blieve gaon.
  • Ich mit de “Derdje helft” oppe bühn blief zinge en praote, mer dit jaor waere grappe äöver de Prins d’r waal oetgelaote.
  • Ich weit det “The A-Team auch Vastelaovendj viert, want: ‘Ich liebe es wenn ein plan funktioniert’.
  • Ich väör òs kinjer ein half jaor höb motte zjwiege, mer noe weit ich zeker det ze de sjoeanste Vasteloavendj gaon kriege.
  • Toet aswoonsdig `t Haeles Brook heurt biej Häör, wae höbbe dao zelfs toestumming van de Burgemeister van ‘t Brook väör.
  • Ich gein tesse in mien Prinsepekske höb, daorom Adjudant Sietse mit miene shag en aanstaeker löpt.
  • Adjudant en Prins ‘t hieël belangriek vinje, det de Vastelaovendj alle Sjaopsköp mét ein zal verbinje.

Opgemaaktj in Häör op 17 november 2019 ònger miêne Prinselikke liefsjpreuk:

“Ich zégk het nog eine kieër
Ich bön eine Sjaopskop en geine Vreigelier”