Prins Ruud 2e
en
adjudanten Harm en Hans
Proklemasie Prins Ruud 2e
Wae, Prins Ruud de 2e, bie de grasie van de Oppersjiëper en de guns van Ere-Prezident Mart, Vorst Ruud en de wieze Raod van 11, de 65ste Prins van de Häörder Sjaopsköp, proklamere dët:
- Ich als Braobènjer gebaore bön maar zeker aug eine gruuetse Sjaopskop bön.
- Det ich al hiël aardig vastelaovendj kin viere maar aug weit desse noeats aod genog bès om biej te liëre.
- Ellen, ich bön bliej des dich väör mich al miër den 16 jaor mien rots inne branding bès en vanaaf vandaag aug nog mien prinses.
- Mien kinjer Senn en Véda make van mich ein gruuetse pap en dees daag gaon we same lekker väöl op sjtap.
- Mien adjes en ich zeen vrunj väör ’t laeve en ich vinj ’t fantastisch det wae dit avontuur same kinne belaeve.
- Als klein menke wildje ich al tummerman waere, taegewoordig tummer ich als zelfstenjige en vanaaf vandaag zelfs mit vaere.
- Höb ich mit de vastelaovendj koppiên of last van miene maag, mien vrouw is doktersassistente en det is mekkelik mit dees daag.
- Biej KSV train ich fanatiek de jeugd van onger 8, misjien krieg ich de jonges van de raod aug nog get biej gebracht.
- Ein pötje beer, darte of biljare, dao kinse mich väör wakker make, mèr als PSV mot voetballe zal ich zeker noeats verzake.
- Ich ’t gewindj bön om in mien eige bedrief te scepter te zweije maar det ich dae van de Sjaopsköp nog ins zoea hèl laot dreije.
- Boere, Bachus, Lemkes, Sjaopswei en aug de kèpel, laote we ein dink aafspraeke. Dit seizoen gaon we de tent aafbraeke.
Opgemaaktj in Häör op 12 november 2023 ònger miêne Prinselikke liefsjpreuk: