14 en 15 fibbrewari 2025 inne Sjaopesjtal (Postkoets)
aanvang aovendj 19.30 oer zaal aope 18.45 oer.
De Häörder Bóntje Aovendj is al jaorelang eine hoeag aangepreze aovendj. Eder jaor sjteit ein groeat skala aan eige, dörpse artieste te popele óm weer oppe plenk te moge traeje. Humor, dans, zang, toniël en meziek, en det allemaol in ein geweljig vastelaovesjeske gesjtaoke. Ein variasie woea-det wae gruëts op zeen en woea wae gegarandeerdj nog jaore van kinne genete.
Op zunjig 16 fibbrewari waerdj, auch in de Sjaopestjal, de KinjerBóntjeMiddig gehaoje. Miër informasie hiej-äöver vindj gae op de site van De Lemkes.
Kaartverkoup
De kaartverkoup väör de Bontje Aovendj sjtart op 28 jannewari óm 20.00 oer biej de Postkoets. De pries per kaart is nog sjteeds € 12,50. Nao deze aovendj zeen de kaarte oetsjloetendj te koup biej “SPAR Ruud en Sylvia Vermeulen”.
Informasie
Wiltj gae miër informasie mit betrèkking toet de Bóntje Aovendj of wiltj gae zelf mitdoon, meel den nao de Bontje Aovendj kommissie. D’r is altied plaats väör nuuj talent.
Kommissie-leje:
Michel Graof
Bart Peters
Ralph Nuy
Mark Linssen
Maarten Hollanders