Prins

Wae, Prins Tom de 1ste, bie de grasie van de Oppersjiëper en de guns van Ere-Prezident Mart, Vorst Ruud en de wieze Raod van 11, de 66ste Prins van de Häörder Sjaopsköp, proklamere dët: 

1. Ich als Häörder jong noê väörop moog gaon als 66^e Prins van de raod, vastelaovendj viere mit jongk en aod!
2. Ich nao 8 jaor Bachusklup, noê väörop zal gaon als Jubileumprins biej de Häörder Sjaopsköp!
3. Ich naeve ’t runne van mien melkhuuske, gaas gaon gaeve tot en mit ’t askruuske!
4. Kom ich de zaal in mit mien adjes Jeube en Steef, den kömptj det fiëst direkt op dreef!
5. Mien pap en mam zeen mig väörgegange in 2006, mèr ich belaof uch, aug ich doon zeker mien bès!
6. Ich gruuets bön op mien aafkoms, Casquettehaof, det we det vanaaf vandaag Prinsepelies moge nömme is zeker gein straof!
7. Same mit Robin run ich de boorderiej, mèr dit jaor steit ze aug als Prinses aan mien zie!
8. Det ich aeve get minder tiêd höb väör mien kuuj, want ich gaon vastelaovendj viere mit alle Häörder luuj!
9. Ich al 2 kiër als adjudant ’t kunstje höb moge aafkieke, of ich dao get van gelierdj höb zal dit jaor gaon blieke!
10. Ich in plaats van milk, noê beer mit ug drink.
11. Sjaopsköp, Lemkes, Sjaopswei, Bachusklup, Joekskèpel en Boere, ich zal geneete tot de allerletste oeare!

Opgemaaktj in Häör op 17 november 2024 ònger miêne Prinselikke liefsjpreuk:

“Van boer tot prins, geneet zolang se kins!”